Vatikanın tövsiyə etdiyi filmlər

Sosial Kommunikasiya üzrə Papalıq Şurası 1995-ci ildə kinematoqrafiyanın yüzilliyi münasibətilə “Alcuni film importanti” (“Bəzi vacib filmlər”) adlı siyahı nəşr etmişdi. Bu siyahıya din, mənəvi dəyərlər və incəsənət kateqoriyalarını əhatə edən 45 film, Papa II İohann Pavel və Con Patrik Fouli tərəfindən tövsiyə olunurdu.

Sosial Kommunikasiya üzrə Papalıq Şurasının prezidenti Con Patrik Foley, Vatikan Film Kitabxanasının prezidenti Enrike Planas, eləcə də, film sahəsində on iki ekspert, kino üzrə kitabxana işçiləri və akademiklər bu siyahını tərtib etmişdilər.

Fouli bildirmişdi ki, bu siyahı zorakılıq və ya pornoqrafik elementlərə aludə olmadan da möhtəşəm filmlər çəkməyin mümkün olduğunu göstərir. O qeyd etmişdi ki, kilsə istəyir ki, tamaşaçıların filmlərə passiv şəkildə baxmaq əvəzinə, onlara daha tənqidi yanaşsın.

Maraqlı məqam budur ki, siyahıya, dinə və Katolik Kilsəsinə tənqidi yanaşan elementlərə malik filmlər də daxildir.

Siyahını təqdim edirik:

İncəsənət

“2001: Kosmik Odisseya” (2001: A Space Odyssey) rejissor Stenli Kibrik (1968, Böyük Britaniya / ABŞ)
“Yol” (La Strada) rejissor Federiko Fellini (1954, İtaliya)
“Vətəndaş Keyn” (Citizen Kane) rejissor Orson Vellz (1941, ABŞ)
“Metropolis” rejissor Frits Lanq (1927, Almaniya)
“Müasir zaman” (Modern Times), rejissor Çarli Çaplin (1936, ABŞ)
“Napoleon” rejissor Abel Qans (1927, Fransa)
“8½” rejissor Federiko Fellini (1963, İtaliya)
“Böyük illüziya” (La grande illusion) rejissor Jan Renuar (1937, Fransa)
“Nosferatu” rejissor: F. V. Murnau (1922, Almaniya)
“At arabası” (Stagecoach) rejissor Con Ford (1939, ABŞ)
“Pantera” (Il Gattopardo – The Leopard) rejissor Lukino Viskonti (1963, İtaliya/Fransa)
“Fantaziya” (Fantasia) rejissorlar: Norman Fergüson, Ceyms Elqar, Semüel Armstronq (1940, ABŞ)
“OZ sehrbazı” (The Wizard of Oz) rejissor Viktor Fleminq (1939, ABŞ)
“Lavanda təpəliyindən olan quldurlar” (The Lavender Hill Mob) rejissor Çarlz Kreyton (1951, Böyük Britaniya)
“Kiçik qadınlar” (Little Women) rejissor Corc Kükor (1933, ABŞ)

Din

“Andrey Rublyov”, rejissor Andrey Tarkowski (1969, SSRİ)
“Missiya” (The Mission) rejissor Roland Jofe (1986, Birləşmiş Krallıq)
Janna Darkın ehtirası” (La passion de Jeanne d’Arc -The Passion of Joan of Arc) rejissor Karl T. Dreyer (1928, Fransa)
“İsa Məsihin Həyatı və Ehtirası” (Life and Passion of Christ) rejissorlar Ferdinand Zeka və Lüsien Nonge (1905, Fransa)
“Françesko, Allahın məzhəkəçisi” ( Filmin alternativ adı- “Müqəddəs Fransiskin çiçəkləri” ( original və ingiliscə adı – Francesco, giullare di Dio/ The Flowers of St. Francis / Francis, God’s Jester) rejissor Roberto Rosselini (1950, İtaliya)
“Mətta İncilinə görə” (Il vangelo secondo Matteo/ The Gospel According to Matthew) rejissor Pyer Paolo Pazolini (1964, Fransa/İtaliya)
“Tereza” (Thérèse) rejissor Alen Kavaliye (1986, Fransa)
“Söz”(Ordet/The Word) Karl T. Dreyer (1955, Danimarka)
“Qurban” (The Sacrifice) rejissor Andrey Tarkovski (1986, İsveç/ Böyük Britaniya/ Fransa)
“Françesko” (Francesco) rejissor Liliana Cavani (1989, İtaliya/Almaniya)
“Ben-Hur – Məsihin Hekayəsi” (Ben-Hur -A Tale of the Christ) rejissor Vilyam Vayler (1959, ABŞ)
“Babettanın qonaqlığı” (Babettes gæstebud/Babette’s Feast) rejissor Qabriel Axel (1987, Danimarka)
“Nazarín” rejissor Luis Buñuel (1958, Meksika)
“Cənab Vinsent” (Monsieur Vincent) rejissor Maurice Cloche (1947, Fransa)
“Hər dövr üçün adam”(A Man for All Seasons) rejissor Fred Zineman (1966, Böyük Britaniya)

Mənəvi dəyərlər
“Qandi”, rejissor Riçard Atenboro (1982, Böyük Britaniya/ABŞ/Hindistan)
“Dözümsüzlük” (Intolerance) rejissor D. V. Qriffit (1916, ABŞ)
“Dekaloq” (On qanun) ( The Decalogue) rejissor Kşiştof Kislovski (1987, Polşa)
“Əlvida, uşaqlar” (Goodbye, Children) rejissor Lui Mal (1987, Fransa)
“Dersu Uzala” rejissor Akira Kurosava (1974, Yaponiya)
“Taxta başmaqların ağacı”(The Tree of the Wooden Clogs), rejissor Ermano Olmi (1978, İtaliya/Fransa)
“Roma, açıq şəhər” (Open City) rejissor Roberto Rosselini (1946, İtaliya)
“Yabanı çiyələk” (Wild Strawberries) rejissor İnqmar Berqman (1957, İsveç)
“Yeddinci möhür” (The Seventh Seal) rejissor İnqmar Berqman (1957, İsveç)
“Od arabaları” (Chariots of Fire) rejissor Hyu Hadson (1981, Böyük Britaniya)
“Velosiped oğruları” (The Bicycle Thief) rejissor Vittorio de Sika (1948, İtaliya)
“Həyat möhtəşəmdir” (It’s a Wonderful Life) rejissor Frank Kapra (1946, ABŞ)
“Şindlerin siyahısı” (Schindler’s List) rejissor Stiven Spilberq (1993, ABŞ)
“Sahildə” (On the Waterfront) rejissor Eliya Kazan (1954, ABŞ)
“Birma arfası” (The Burmese Harp) rejissor Kon İçikava (1956, Yaponiya)

Tərcümə: Afaq Yusifli